Шалғайдағы елді мекендерде тұратын балаларды тасымалдау бойынша әкімшілік бақылау

Балаларды тасымалдау Қазақстан Республикасының қолданыстағы заңнамаларына сәйкес ұйымдастырылып, оқушылардың қауіпсіздігін қамтамасыз етуге ерекше назар аударылуда. Тасымалдау үшін арнайы жабдықталған, техникалық жарамды мектеп автобустары пайдаланылуда. Көлік құралдары уақтылы техникалық тексеруден өткізіліп, санитарлық талаптарға сай болуы қадағаланады.

Автобус жүргізушілері күнделікті медициналық тексеруден өтіп, балаларды тасымалдау ережелері бойынша нұсқамадан өткізілген. Тасымалдау бағыты мен кестесі бекітіліп, жол қауіпсіздігі талаптары сақталуда.

Балалардың автобусқа отыруы мен түсуі, сондай-ақ жол жүру барысында қауіпсіздігі үшін жауапты тұлғалар белгіленген. Мектеп әкімшілігі тарапынан тасымалдау процесіне тұрақты мониторинг жүргізіліп, ата-аналармен кері байланыс орнатылған.