“Атадан қалған асыл сөз” жобасы аясында “Әдебиеттанудың бас сардары – Серік Қирабаев”атты Серік Қирабаев атындағы қазақ әдебиеті кабинетінің ашылуы

13.03.2026 күні мектебізде “Атадан қалған асыл сөз” жобасы аясында “Әдебиеттанудың бас сардары – Серік Қирабаев”атты Серік Қирабаев атындағы қазақ әдебиеті кабинетінің   ашылуы салтанаты болды. Кабинеттің ашылу мақсаты Оқушыларға қазақ әдебиетінің көрнекті ғалымы, академик Серік Қирабаевтың өмірі мен шығармашылығын таныстыру, әдеби мұраларын насихаттау, жас ұрпақты ұлттық рухта тәрбиелеу, әдебиетке деген қызығушылығын арттыру. 
Бұл іс-шараға Абай атындағы Қазақ ұлттық педагогикалық университетінің ф.ғ.д., профессор, Шәкәрімді зерттеген ғалым - Әбдіғазиұлы Балтабай, ф.ғ.к., доцент - Тлеубекова  Ботакоз Тургамбаевна, Академик С.Қирабаев атындағы қазақ әдебиеті және оқыту әдістемесі кафедрасының меңгерушісі, ф.ғ.к., қауымдастылған профессор - Сатемирова Дариха Амантаевна,
ф.ғ.к., доцент, Серік Қирабаевтың шәкірті - Ибраева Айзат Дюсеновна қатысып, кабинетіміздің лентасын қиды. Ашылу барысында 9 “Б” сынып оқушылары Серік Қирабаев жайында құнды деректермен бөлісіп, ғалымның айтқан сөздерімен бөлісті. 
Кабинеттің ашылу салтанаты оқушылардың бойына ұлттық рухты, туған тілге деген құрметті, ұлы тұлғалардың өнегелі жолын үлгі етуді сіңірген тағылымды шара болды.
Келген қонақтар Серік Қирабаев жөнінде өз естеліктерімен бөлісіп, мектеп ұжымын үлкен алғысын білдірді. Іс-шара барысында мектебіміз Абай атындағы Қазақ ұлттық университетімен мемарандумға отырып, алдағы уақытта оқушылардың бойына тәлім-тәрбие беруде бірлесек жұмыстар атқарылатынын атап өтті