"Отбасындағы ұлттық құндылықтар-бала тәрбиесінің қайнар көзі"

03.02.2024ж 9 ғ сыныбында "Отбасындағы ұлттық құндылықтар-бала тәрбиесінің қайнар көзі" тақырыбында ата-аналар жиналысы өтті. Мақсаты: Қазақтың ұлттық құндылықтарын ескеру,  ұлттық құндылықтардың бала тәрбиесінде маңызы зор екенін түсіндіру. Ата-аналарды мектепішілік құндылықтарға негізделген білім беру жүйесімен таныстыру. 

Ата-аналар жиналысқа тақырыпқа сәйкес ұлттық киімдерін киіп келді. Сынып жетекшісі жиналысты ерекше форматта өткізу мақсатында ұлттық тағамдар мен қазақтың ұлттық ойыны асық пен ақсүйекті де жиналыс барысында ата-аналарға тапсырмалар беру арқылы қолданды. Жиналыс тек сынып туралы қорытынды есеппен шектелмей, қазақтың ұлттық салт-дәстүрлерін еске түсіру мақсатында түрлі әдіс- тәсілдер мен ойындар арқылы тапсырмалар орындалды. Тапсырмаға сәйкес ата-аналар өз-өздерін бағалап отырды. Сергіту сәтінде Қаражорға биін биледі. Жиналыс соңында 9 сынып ата-аналарын алдағы мемлекеттік емтиханмен, мамандық таңдау мәселелері бойынша жұмыстармен таныстырылды. Сонымен қатар ата-аналарға мектепте алға қойылып отырған "Табысты 50 мектеп жобасы" туралы да  түсіндірме жұмысы жүргізілді.
Жиналысты ұйымдастырушы 9 ғ сынып жетекшісі Байжанова Жазира Мирамбековна.