27.01.2025ж №42 орта мектебінде аудандық ағылшын тілі пәні мұғалімдеріне арналған семинар өтті. Семинар ұйымдастырушысы Іле аудандық Білім бөлімі және "MM Publications" баспасы. Ағылшын тілі мұғалімдеріне әдістемелік көмек көрсету мақсатында, баспа кызметкері Іңжу Закарина және спикер Алишер Райымқұл өз тәжірибесімен бөлісті және сұхбат құрды. Семинарға Іле ауданына қарасты мектептердің ағылшын тілі пәні мұғалімдері қатысты.

30.01.2025ж №42 орта мектебінде жас мамандарға әдістемелік көмек беру мақсатында "БЖБ, ТЖБ әзірлеу, ұсынымдар" тақырыбында шебер сынып өтті. Шебер сыныпты қазақ тілі мен әдебиеті пәні мұғалімі Б.Дусипова, математика пәні мұғалімі Ж.Бексейт өткізді. Сонымен қатар сабаққа байланысты тиімді әдіс - тәсілдермен де бөлісе кетті.

Халықаралық дефектологтар күніне орай, кәсіби біліктілігі, жауапкершілігі және әр оқушының тілін таба білген педагогикалық талантымен қоса, қоғамдық белсенділігі үшін №42 орта мектеп арнайы педагогы Мырзакулова Жеңіскул Аңсатбаевна марапатталды.

"Ең үздік бейне сабақ" аудандық сырттай байқауында II орынды иеленген №42 орта мектептің арнайы педагогы Мырзакулова Женискул Аңсатбаевна марапатталды.

Жаратылыстану пәні бірлестігі отырысы

Алматы облысы, Іле ауданы, А. Тоқпанов атындағы №42 орта мектептің бастауыш сынып мұғалімі, шебер-педагог Кусайнова Айман Арғынқызы – өзінің кәсіби жолында К.Д. Ушинскийдің: «Мұғалім – өзінің білімін үздіксіз көтеріп отырғанда ғана мұғалім, ал оқуды, ізденуді тоқтатқан кезде оның мұғалімдігі де жойылады» деген қанатты сөздерін басты ұстаным еткен ұстаз. Айман Арғынқызы қазіргі таңда өз білімін тереңдету мақсатында магистратурада оқып, кәсіби даму мен үздіксіз ізденудің жарқын үлгісін көрсетуде.

Алматы облысы Іле ауданы А.Тоқпанов ауылы №42 орта мектебінің, 3"В" сынып оқушысы Батырғали Әмір "Зерде" ғылыми-зерттеу жобасы бойынша аудандық кезеңнен І орын иеленіп, облыстық кезеңнен ІІ орынды иеленді!  Жетекшісі: бастауыш сынып мұғалімі Оразханова Жанаргүл.

ІІІ ДӘРЕЖЕЛІ ДИПЛОМ "Шеберлер сабағының шеруі "Облыстық байқауында жүлделі ІІІ орын  иеленгені үшін Алматы облысы Іле ауданы А.Тоқпанов ауылы 42 орта мектебінің бастауыш сынып мұғалімі, педагог-шебер Кусайнова Айман Арғынқызы марапатталды. Ұстазымызды мектеп басшысы Г.Сагимбекова және бастауыш сынып ұстаздары мен білім алушылары үлкен ықыласпен қарсы алды және жылы лебіздері мен ақ тілектерін айтып, алғыс білдірді.

Ауыл мектептерінің 9-11 сынып оқушыларына арналған жалпы білім беретін пәндер бойынша республикалық олимпиаданың екінші (облыстық) кезеңіне 4 оқушы қатысты. 10-сынып оқушысы Марат Сапарали, 11 сынып оқушысы Назарбай Дидар аудандық кезеңнен 2 орын иеленді, жетекшісі И.Муханова, М.Бердибекова. 9-сынып оқушысы Молдахмет Абылай 3 орын иеленді, жетекшісі А.Четыкбаев. 11 сынып оқушысы Раматуллаева Қымбат 1 орынға ие болып республикаға жолдама алды, жетекшісі Қ.Туркистанова.

"Шеберлер сабағының шеруі" атты облыстық байқауда жүлделі ІІІ орын иеленгені үшін Іле ауданы №42 орта мектебінің бастауыш сынып мұғалімі, педагог-шебер Кусайнова Айман Арғынқызы марапатталды.