"Дүниежүзілік еріктілер" күніне орай сынып сағаты

42 орта мектебінде "Дүниежүзілік еріктілер" күніне орай сынып сағаты өткізілді. Іс-шараның мақсаты – оқушыларға еріктілік қызметінің маңызын түсіндіру, қоғамға пайдалы іс атқаруға баулу және жауапкершілік пен мейірімділік қасиеттерін қалыптастыру.
Сынып сағаты барысында оқушыларға еріктілер қозғалысының тарихы, еріктілер атқаратын қызмет түрлері, мектептегі еріктілер клубының жұмысы жайлы ақпарат берілді. Сонымен қатар, бейнероликтер көрсетіліп, оқушылар өз ойларымен бөлісті. Белсенді оқушылар түрлі тапсырмаларға қатысып, еріктілікке қатысты жағдайлық сұрақтарды талқылады.