“Жырлайды жүрек” тақырыбында көркем сөз байқауы

Алматы облысы Іле ауданы Казцик ауылы
“#42 орта мектебі” мемлекеттік коммуналдық мекемесінде 04.02 күні ақиық ақын М.Мақатаевты еске алу және білім алушыларға ақын шығармашылығының өміршеңдігінің сыры неде екенін таныту, оқушылардың бойында ақындық, мәнерлеп оқу дағдыларын жетілдіру мақсатында мектепішілік 1-11 сыныптар арасында ұйымдастырылды. Байқау барысында ақын шығармашылығынан үзінділер, поэмалары, білім алушылардың ақын рухына арнаған жүрек жарды арнаулары оқылды. Байқауға мектептің қазақ тілі мен әдебиеті пәні ұстаздарынан құралған арнайы комиссия мүшелері тағайындалды. Көркем сөз байқауы нәтижесінде үздік деп танылған білім алушылар Бас жүлде, І,ІІ,ІІІ дәрежелі дипломдармен марапатталды. Байқау соңында әділ-қазылардың шешімімен ақтық мәреге шығарылған оқушылар М.Мақатаевты еске алу мақсатында өткізілетін әдеби сазды кеште өнер көрсетуге жолданды.