Хабарландыру!!!

Құрметті білім алушылар!
Білім алушылардың өзін –өзі басқару ұйымының негізінде құрылған мектеп парламенті органының жоспарына сәйкес мектебімізде 8-10 сыныптар арасында Өзін-өзі басқару ұйымының президентін қайтадан сайлауы өтетінін хабарлаймыз!
Өзін-өзі басқару ұйымының Президентін сайлау оқушының сайлау және сайлану құқығын еркін жүзеге асыруына негізделеді. Өзін -өзі басқару ұйымының Президентін сайлау жалпыға сайлау бірдей, тең және тікелей сайлау құқығы негізінде жасырын дауыс беру арқылы өткізіледі. Сайлауға 7-11 сынып білім алушылары қатыса алады және олардың сайлауға қатысуы ерікті болып табылады. Сайлаушылар өзін-өзі басқару ұйымының Президентін сайлауға тең негізде қатысады және әрқайсысы тиісінше бір дауыс қана бере алады.
Құрметті білім алушылар , қазіргі өркениет дамыған заманда мектебіміздің білім және ғылым , мәдениет, спорт саласында биіктен көрінуіне атсалысуға, білім алушылардың шығармашылық белсенділігін арттыруда , оқушылардың бос уақыты мен тұрмысын ұйымдастыруда, салауатты өмір салтын насихаттауда көмек көрсетуге, білім беру ұйымының рухы мен дәстүрлеріне патриоттық қатынас жасауға, балалар мен жастардың қоғамдық маңызы бар бастамаларын іске асыруға, мектебіміздің гүлденуіне және биіктен көрінуіне белсенді атсалысатын үміткерлерді шақырамыз! Сонымен қатар, бойында патриоттық , адалдық қасиеттері басым, шығармашылық қабілеті зор, өз елінің дамуына үлес қосуға даяр оқушыларды өзін-өзі басқару ұйымының Президентіне үміткер болуға шақырамыз!