"Бала қауіпсіздігі - ата-ананың басты міндеті" ата-аналар жиналысы

Іле ауданы, А. Тоқпанов ауылының №42 орта мектебінде «Заң мен тәртіп» айлығы аясында әлеуметтік педагог пен мектеп психологтарының қатысуымен «Бала қауіпсіздігі – ата-ананың басты міндеті» тақырыбында ата-аналар жиналысы өткізілді.

Жиналыстың мақсаты – ата-аналарды балалардың қауіпсіздігін қамтамасыз ету, құқықтық сауаттылығын арттыру, отбасы мен мектеп арасындағы тиімді ынтымақтастықты нығайту, сондай-ақ балалардың дұрыс тәрбие мен қауіпсіз ортада өмір сүруіне жағдай жасау.

Жиналыс барысында келесі мәселелер қаралды:

• Бала қауіпсіздігін қамтамасыз етудің негізгі ережелері;

• Балалардың күнделікті өмірінде туындайтын қауіп-қатерлер және олардан қорғану жолдары;

• Интернет және әлеуметтік желілердегі қауіпсіздік, цифрлық мәдениет;

• Мектепішілік тәртіп пен ережелерді сақтау;

• Ата-ананың бала тәрбиесіндегі рөлі мен жауапкершілігі.

Әлеуметтік педагог пен психолог ата-аналарға нақты мысалдар арқылы түсініктеме беріп, сұрақтарына толық жауап берді. Сонымен қатар, ата-аналар өз тәжірибелерімен бөлісіп, балалардың қауіпсіз ортасында өсуін қамтамасыз ету жолдарын талқылады.

Жиналыс қорытындысында баланың қауіпсіздігін қамтамасыз ету – әр отбасының басты міндеті, сондай-ақ мектеппен бірлесе отырып, қауіпсіз және тәрбиелі орта қалыптастырудың маңыздылығы ерекше атап өтілді.